Баянхонгор аймгийн нэгдсэн золголтод Хүчтэй 128 бөхийн нээлттэй барилдаан болж, тухайн арга хэмжээнд Баянхонгор аймгийн Жинст сумын харьяат, улсын начин Энхтүвшиний Батмагнай түрүүллээ.
Улсын начин Б.Батмагнай 2001 оны 1-р сарын 12-нд Жинст суманд мэндэлсэн. Түүний боловсрол Номун далай сургуульд эхэлж, 2018 онд төгссөн.
2020 онд Их засаг дээд сургуульд элсэн орсон. Батмагнай 11 наснаас хичээллэж эхэлсэн Үндэсний болон Чөлөөт бөхөөр 2022 онд улсын наадамд тавдаван шөвгөрч, Улсын начин цолыг хүртсэн.
Тэрээр 21 нас 6 сартайдаа хамгийн залуу начин болж, чөлөөт бөхөөр мөнгөн медаль, Ерөнхийлөгчийн цомд түрүүлсэн түүхтэй.
