Президент Садыр Жапаров жаңы Эмгек кодексине кол коюп, майрам күндөрүн кыскартууну сунуштады. Бул туурасында президенттин расмий сайты маалымат таратууда.
Мыйзамда мамлекеттик жана жумуш күн деп эсептелбеген майрамдардын саны кыскартылып, жаңы жылдык жана май айындагы каникулдар белгиленген. Дем алыш күндөрүн которуу ченеми жоюлат.
Эмгек шарттары зыяндуу жумуштарда ден соолугунан мүмкүнчүлүгү чектелген адамдар жана бала эмизген аялдар үчүн тыюу салынган. Мындан тышкары, эмгек акыны өндүрүү боюнча талаштардын эскирүү мөөнөтү үч жыл деп белгиленет.
Жогорку Кеңеш тарабынан 18-декабрда кабыл алынган мыйзам долбоору боюнча, 23-февраль, 7-апрель жана 7-8-ноябрь майрамдар бойдон калат, бирок кызматкерлерге эс алуу берилбейт. Январь жана май айларында майрамдык каникулдар болот.
Министрлер кабинети тарабынан иштелип чыккан документ кыргызстандын Эмгек кодексинин алгачкы варианты 1998-жылы, эми колдонулуп жаткан экинчи редакциясы 2004-жылы кабыл алынган.
