Қазақстан Республикасының ұлттық экономика вице-министрі Бауыржан Құдайбергенов бизнес өкілдерімен Түркістан облысы Кәсіпкерлер палатасындағы мүшелерімен кездесті.
Кездесу барысында жаңа салық реформасы мен Салық кодексіндегі өзгерістер талқыланды.
BNK Group LTD ЖШС бас директоры Ниязалы Бейсенбаев салық мөлшерлемесінің 20%-ға көтерілуінің агроөнеркәсіп кешеніне әсері туралы пікірін білдірді. Ол, әсіресе, шағын және орта бизнес үшін бұл өзгерістердің қосымша салмақ тудыратынын атап өтті.
Бейсенбаев Үкіметке салық мөлшерлемесін дифференциялау, табысы төмен кәсіпорындарға уақытша салық жеңілдіктері беру, сондай-ақ көлеңкелі экономиканы жеңілдету бойынша шараларды қарастыруды ұсынды.
Вице-министр Құдайбергенов аграрлық сектордағы шаруа қожалықтарының ҚҚС төлемейтінін, заңды тұлғалардың бюджетке тек 30%-ын ғана салып жатқанын айтты.
Жаңа механизмдер бойынша шаруашылық субъектілері ҚҚС-дан босатылған.
Бауыржан Құдайбергенов ауыл шаруашылығы өнімдерін (картоп, қызанақ, пияз және т.б.) бәсекеге қабілетті етудің маңыздылығын атап өтті.
Оған сәйкес, ұсынылатын механизмдер бойынша жалпы ҚҚС мөлшерлемесі 16%-ды, ауыл шаруашылығы өнімдерін өндірушілер үшін 0%-дық мөлшерлемені қарастыру жоспарлануда.
Сонымен бірге, салық жүктемесінің артуы кәсіпкерлер тарапынан алаңдаушылық тудырғанын және ұсыныстардың ескерілетінін мәлімдеді.
Осылайша, салық реформасы бизнес орта мен аграрлық сектордың дамуына ықпал етуі тиіс.
